ភ្នំពេញ: នៅព្រឹកថ្ងៃអង្គារ ទី៦ ខែកក្កដា ឆ្នាំ២០២១នេះ វ៉ាក់សាំងកូវីដ-១៩ របស់ក្រុមហ៊ុនស៊ីណូហ្វាម ចំនួន១លានដូសបន្ថែមទៀត ដែលនាយករដ្ឋមន្ត្រីកម្ពុជាសម្តេចតេជោ ហ៊ុន សែន បានបញ្ជាទិញពីរដ្ឋាភិបាលចិន បានដឹកមកដល់ប្រទេសកម្ពុជាហើយ។
សម្តេចតេជោ ហ៊ុន សែន បានដាក់ចេញយុទ្ធសាស្ត្រចាក់វ៉ាក់សាំងនេះឱ្យបានលឿន តាមដែលអាចធ្វើទៅបានជូនដល់ប្រជាពលរដ្ឋរបស់ខ្លួន។ ប្រជាពលរដ្ឋកម្ពុជា និងជនបរទេសនៅកម្ពុជាផង សរុបជាង ៤លាននាក់ ស្មើនឹងប្រមាណ ៤៦.០០% នៃចំនួនប្រជាពលរដ្ឋត្រូវចាក់វ៉ាក់សាំង បានចាក់វ៉ាក់សាំងរួចរាល់ កម្ពុជាបានក្លាយជាប្រទេសជាប់ចំណាត់ថ្នាក់លេខ២ នៅក្នុងអាស៊ាន ដែលចាក់វ៉ាក់សាំងជូនប្រជាពលរដ្ឋបានច្រើន។
សូមបញ្ជាក់ថា វ៉ាក់សាំងដែលកម្ពុជាទទួលបានសរុបចំនួន ១២,០២៤,០០០ដូស
- ការបញ្ជាទិញរបស់រាជរដ្ឋាភិបាល និងជំនួយពីរដ្ឋាភិបាលចិន (Sinopharm) ចំនួន ៤,២០០,០០០ ដូស
- ជំនួយពីមជ្ឈមណ្ឌល COVAX (CoviShield) ចំនួន ៣២៤,០០០ ដូស
- ការបញ្ជាទិញរបស់រាជរដ្ឋាភិបាល Sinovac ចំនួន ៧,៥០០,០០០ ដូស
